تداول رواد مواقع التواصل الاجتماعي خبر وفاة القط مشمش، أشهر قط على السوشيال ميديا، وذلك بعد أن تم الإعلان عن وفاة، حيث كتب أحمد عبد الغفار صاحب القط مشمش في منشور له عبر موقع التواصل الاجتماعي: مشمش مات.. هتوحشني يا صاحبي.

وتعود صداقة أحمد عبد الغفار والقط مشمش لأكثر من 20 عاما، حينما كان عبد الغفار طالبا بمرحلة الثانوية العامة، وأحضر له شقيقه الأكبر القط مشمش ليصبح صديقا له وأحد أفراد الأسرة التي تهوى تربية القطط، ليصاب مشمش بأمراض الشيخوخة الذي أنهى حياة اليوم.

الحقيقة دا صاحب وفرد من عائلة الأستاذ أحمد الي عنده 40 سنة، وقعد معاه 20 سنة، قضوا فترات حلوة ووحشة سوا بس كاناو دايما سوا ومستغناش عنه، وأثبتوا لـ الكل إن الصحوبية مش لازم تبقى بين البشر.. لا ممكن تبقى بين بشر وحيوان يفهمك، تخرج من الكلية واتجوز وخلف وكان مشمش معاه لدرجة إن ليه جملة مشهورة لصاحبه مشمش، وهي تفتكر يصاحبي العمر فيه قد إيه عشان ألاقي صاحب زيك.

وعلق الحسيني محمود، على خبر وفاة القط مشمش، حيث كتب: القط دا توفي وعنده 21 سنة..  نفس سني، وربما هو أكبر من ناس كتير بتقرأ البوست دا دلوقتي، من كثر البوستات اللي كان بينشرها عنه صاحبه، أنا وناس كتير تعلقنا بيه، ما بالك بصاحبه بقا، اللي حرفيًا عاش معاه مراهقته وشبابه وشيبة شعره، عاش معاه الجامعة والجيش والجواز وشاف أطفاله، وكتير من المواقف الحياتية المختلفة، مأظنش حد ممكن يدرك حجم الفقد اللي الراجل دا حاسس بيه دلوقتي، يمكن اللي جربوا نفس الفقد هيحسوا بيه، موت حيوانك الأليف ربما لا يقل صعوبة عن موت إنسان أنت بتحبه وقريب منك، ناس كتير بتتريق على مشاعر البعض في اللحظات دي، ربما أنا مجربتش الشعور دا لأني مربيتش حيوان أليف، لكني جربت شعور الفقد طوال عمري أكثر من مرة وعارف صعوبته، فربنا يهون على قلوب الجميع وجع الفقد ويلين قلب القساة.

وكتبت سارة عبد الحق: القط ده مع صاحبه بقاله 20 سنة.. عايشين كل حاجة مع بعض، عاش مع صاحبه فترة شبابه وجوازه ولما خلف وكان خير رفيق لأولادهن لكن القط  جاله أمراض شيخوخة زي العمى وعدم السمع، ومكنش حتى بيستحمل حد يسرح له شعره وجلده كله كان بيوجعه، وكان محتاج معاملة خاصة، وربنا يكرمه صاحبه مقصرش معاه خالص وأكرمه لحد لحظة وفاته.. مشمش مات النهاردة.

واستكملت: اللي عايزه أقوله بلاش تستهينوا بوجع حد، ده زيه زي أي واحد مات له رفيق عمره وحياته كلها.. بلاش تزايدوا على وجع حد ولما تلاقي حد تعبان بسبب وفاة حيوانه واسوه وطبطوا وهونوا عليه زعله.

قـــد يهمــــــــك أيضــــــاُ : 

دراسة تؤُكدالعيش مع البشر يقلص أدمغة القطط والحيوانات

القطط المنزلية ماهرة بالصيد والتسبب في الأمراض البرية